【武漢肺炎】「黃夏蕙契仔」楊峰免費派發千二個口罩 ：幫到就幫

武漢肺炎導致全港一罩難求，不少市民埋怨為何購買不到口罩。而創作歌手楊峰透露在幾經波折之下，終於尋找到約1200-2000個口罩，免費派給街坊及長者，主要希望將愛心送給香港人，發揮互助互愛的精神。

今天（2日）他發出通告將在下午六時三十分在將軍澳坑口富寧花園商場正門免費派發1200個口罩。而現場早已有數十市民在排隊等待派發口罩。楊峰說為何會有這次的行動：「其實見到香港好多老人家個個搶口罩，甚至乎要排通宵。咁年長老人家冇可能會有咁嘅體力，所以早前搜羅咗少量口罩幫吓佢哋。」

楊峰表示這些口罩來源是泰國，是早前訂購下來，示意大家不用擔心。他說：「其實我已經有一批貨幾萬個口罩到香港啦，陸續幾日之後都各區派發。（你都好有善心唔收大家錢。）咁全香港人都唔希望再有一個香港人患上武漢肺炎，盡量幫到就幫，又唔係話要一筆好大嘅錢。」