【加國影婚紗照曝光】鄧健泓稱石詠莉個唱預演婚禮：買飛當俾人情

石詠莉（Sukie）跟鄧健泓（Patrick）相戀近3年，感情甜蜜又穩定，而Patrick亦覺得是時候給女友一個名份，二人原定於今年拉埋天窗，更早於去年11月在加拿大拍攝婚紗照，不過Sukie近日正密鑼緊鼓，為下月9日舉行的首個個人演唱會排練，而Patrick亦甚為遷就女友，將婚期延至明年，但為了不想被指「求婚後反悔」，今日公開二人在加國的婚紗照，證明自己冇走數，只是欠缺一紙婚書。

其實Sukie去年尾到加拿大拍攝Hi-fi碟封套，因利成便，在當地度假勝地班夫拍攝婚紗照，不過當時天氣相當寒冷，在漫天雪花下，Sukie穿上白色露肩厘士婚紗，而Patrick則是淺灰色禮服，配上白色煲呔，相當有型帥氣。二人手拖手拍照，在嚴寒下仍然露出幸福燦爛的笑容。另一張在雪山前的婚紗相，則見到二人甜蜜相擁，而Sukie身穿粉紅色大露背傘形晚裝，感覺溫馨又浪漫。不過浪漫是要付出代價，在雪地拍照令二人凍到打冷震，拍照後即急急披上羽絨及頸巾，同時要喝着熱飲驅寒。

Sukie因為演唱會而要推遲婚期至明年，但Patrick只是默默支持女友決定，相當體貼。二人更異口同聲表示10月的個唱，可以當作二人婚禮的預演，「我哋將最好嘅嘢放在舞台上面，希望大家可以同我哋一齊分享，入場睇演唱會就等如睇我哋嘅婚禮，人情就係演唱會嘅飛。」其實Patrick和Sukie已定下2017年秋天結婚，更會在加拿大及香港兩地擺酒，大宴親朋，看來粉絲要大破慳囊，買飛支持Sukie個唱，為偶像的終身幸福出力。