【武漢肺炎】黃心美口罩反轉戴被炮轟　網友：為影相浪費一個﹗

隨住各地陸續有武漢肺炎確診個案，全港市民呢幾日瘋搶口罩，部份商戶更抬至天價﹗但即使買到口罩都要正確使用先有效。黃心美呢日上載戴住口罩嘅相片，就被網民群起指責做出錯誤示範。

黃心美同小妹妹齊齊戴上口罩自拍，點知俾網友發現：「你個罩掉轉咗喎師兄」、「錯誤示範」，心美回覆話：「其實我有個N95係冇可能掉轉架，影相就是但啦。」本身真係人誰無錯，但呢句「是但啦」辣㷫網民群起指責：「你係係公眾人物，有無諗過會誤導左人帶口罩方法，再者為影相浪費一個口罩，你又好意思講架喎！」