【萬千星輝2019】劉丹憶當年4千人爭入行　如今只剩他堅持演戲

劉丹昨日（12日）在《萬千星輝頒獎典禮2019》獲頒「萬千星輝演藝人大獎」，絕對實至名歸。丹爺在台上笑言今次是演藝生涯中首次奪獎，接受《香港01》訪問時，直言：「入行52年，53年都嚟緊，第一個獎，不過係第一個大獎，有咩辦法唔開心呢！」

在頒獎前，現場播出一段丹爺加入電視圈前，在電影圈發展的電影片段。可惜因為在電影圈發展不如人意，便轉戰公仔箱，對於這個艱難的轉變，丹爺說：「其實當年入到行已經好難，想入行唔係人咁品。我記得考訓練班有4千人考，但只係招收40個。最後簽約得11個人，你話難度幾犀利。不過到咗1978年左右，就得返我一個人喺到發展。」

提到丹爺演出過無數電視作品，尤其是飾演過的處境喜劇，包括《真情》、《皆大歡喜》、《開心速遞》等，都深得觀眾和網民愛戴，同時他劇中的角色「叉燒炳」、「王尚」、「Happy伯」等令人留下深刻印象，丹爺絕對稱得上是「處境喜劇之父」，對此他笑言：「即係我真係好彩，做親收視都幾好，不過我哋都係謙虛啲好。」