【萬千星輝2019】失落視帝會點？　馬國明睇化晒：已經冇咗個感覺

無綫萬千星輝頒獎禮於今晚（12日）將軍澳電視城舉行，男女主角獎項爭持十分激烈，到底連續提名數年，今年憑《白色強人》入圍的馬國明會否得償所願呢？真是要等獎項揭曉才知道！

馬國明接受《香港01》訪問時，反而表示對獎項看淡:「信心一定有嘅，有提名就一定有機會。有黑仔、山聰同袁偉豪，真係好難講!」覺得自己勝算高嗎? 他回答:「一半半啦，因為太多對手，不過我好希望《白色強人》攞到最佳劇集。」

如果今年馬國明仍然失落「最佳男主角」，他又有什麼感覺呢？他自言，對獎項已經看淡了:「唔會唔開心啦，已經冇咗個感覺。我成日都講，有冇獎係隨緣，今日返嚟見到咁多好朋友係開心嘅。我以前會㗎，早幾年會問自己:『點解唔係我?』可能係喺呢行耐咗，知道好多嘢唔可以強求，有冇獎攞都要靠少少運氣。」