「細龍太」陳偉琪涉醉駕今早提堂　辯方申請案件押後至下月5日

TVB劇集《愛．回家之開心速遞》中，飾演「細龍太」而人氣急升嘅陳偉琪（Vicky），去年10月因涉嫌酒後駕駛被捕，被帶返警署扣留調查，案件今早（1月8日）於東區裁判法院提堂。

陳偉琪於早上9點30分抵達東區法院，身穿深藍色套裝嘅佢神色凝重，於庭上表示「明白控罪。」辯方申請案件押後至下月5日，等索取文件及諮詢法律意見後再答辯，獲裁判官批准以原有條件繼續保釋。

案發當晚即去年10月25號晚，陳偉琪身穿短褲頭戴白色CAP帽，駕駛其寶馬座駕，於跑馬地同一架駛往灣仔方向嘅的士相撞，其後陳偉琪接受酒精呼氣測試，結果高達79微克，比法例規定高出2.5倍，涉嫌酒後駕駛被捕。至凌晨兩點幾獲准保釋。