【武漢肺炎】與沙士病徵相似 張兆輝剛從武漢返港：我好精神
撰文：吳子生
出版：更新：
因應內地武漢出現不明病毒性肺炎感染病毒個案，香港政府即時作出風險評估後，今日（4/1）將應變級別由「戒備」升至「嚴重」。藝人張兆輝剛從武漢工作返港，並出席無綫劇集《黃金有罪》宣傳造勢活動，現場部份記者及工作人員都戴上口罩確保安全衛生。
對於武漢出現疫情，輝哥直言不知道：「呢排我經常周圍去比較忙，冇乜留意呢啲新聞，直至我上到去內地，啲人先話我知嗰度有不明肺炎疫情，嗰下先知，再問下其他人，啲人就話冇乜嘢呀，周邊環境我又見唔到有人戴口罩，公眾場所啲人又冇乜嘢咁。」（有否感到不適？）輝哥坦言：「其實我都係噚晚先返嚟，如果我唔舒服就唔會喺度同大家傾計，我覺得冇事。」（受到感染後可能有潛伏期？）輝哥直言：「其實如果受到感染，自己係好快會感覺得到，但宜家我覺得自己好精神又冇嘢，其實可以飲返啲維他命C增強抵抗力，同時避免去公眾場所。」
+4