【黃金有罪】聞張兆輝武漢回港　蕭正楠驚恐：我哋兩個仲傾密偈

由張兆輝、蕭正楠（阿蕭）主演的無綫重頭劇《黃金有罪》，今日在電視城舉行宣傳造勢活動。兩位重頭人物阿蕭與輝哥在台上互笠高帽大讚對方演技出眾。近期內地武漢被發現不明病毒肺炎個案，疫情不斷擴大，現時香港政府亦已啟動嚴重應變級別，問到會否擔心？阿蕭就話：「冇得擔心得咁多，好似啱啱輝哥佢都係喺武漢返嚟，唯有自己小心啲，見到有人咳，就會行遠啲避開，又或者自己帶番個口罩。」

有傳輝哥近日身體不適，阿蕭聞言愕然表示：「吓，頭先我哋兩個傾密計喎⋯⋯重要好埋咁傾，佢冇同我講嘅，咁樣呀，我一陣睇下診所仲有冇醫生睇，去探一探下熱先，不過我又幾信阿輝哥嘅身體，因為拍咁劇集咁耐，真係冇見過佢病。」