林夏薇孖林峯打邊爐做冬　張馨月疑著睡衣開心合照

聖誕就到，準備好禮物未？投【01最賞睇娛樂大獎】，有大把禮物抽喎！超過70萬元豐富獎品，包括旗艦手機11 Pro Max、Dyson風筒，仲可以有01積分換唔同禮品！

開講都有話「冬大過年」，中國人相當重視冬至，一定要同家人齊齊整整食飯。林峯嘅家人喺內地居住，香港最親嘅就係堂妹林夏薇，當然唔少得已入紙註冊未知係咪已秘婚嘅另一半張馨月，冬至晚上佢哋就相約一齊開餐。

林夏薇22號晚做完節，發微博話：「大過年，好豐富的晚餐，冬至快樂！」原來佢同林峯張馨月一齊打邊爐做節，見到成檯美酒佳餚，三個人笑晒自拍食得好開心。見到張馨月疑似著住睡衣，似乎係喺佢同林峯屋企開餐，林夏薇仲好細心咁幫「堂嫂」心口加上公仔，以免走光。