【多圖】《東張》主持黃愷怡嫁初戀男友　超高質姊妹團水着搶鏡

《東張西望》外景主持黃愷怡（Jasmin）與初戀男友Billy即將正式拉埋天窗，今日（12/12）趁好日提早出閣，依足傳統穿上紅色裙褂向長輩跪地斟茶，並戴上數對龍鳳鈪，之後與老公Billy手拖手步出酒店，非常之Sweet。

而喺成為人妻前夕，Jasmin同一班閨密搞咗個婚前單身派對，當中包括《東張》主持林希靈、前無綫藝員李雯希。眾人除以白色晚裝裙外，又齊齊以粉紅色絲質浴衣上陣，由浴室影到泳池，每日都拎住杯香檳嘆世界，而身穿低胸Tube top嘅黃愷怡仲留言表示：「One woman can make a difference」。唔少網友見到呢輯相之後，都大讚「姊妹團超高質」，又指黃愷怡好適合做婚紗店代言人。黃愷怡接受訪問時透露一眾姊姊雖然未結婚，但全部都已經有拖拍。