吳若希拒讓愛囡將來加入娛樂圈：呢行比較複雜

吳若希（Jinny)今晚（9/12）現身電視城為無綫綜藝節目《娛樂大家》錄影。提到日前亮相《東華》活動唱歌籌款，老公Alex與囡囡（淼淼）在家中睇住電視支持，而兩歲淼淼見到媽咪在電視出現，並雀躍走上前高舉雙手觸摸電視熒幕說：「媽咪，摸手手」，老公Alex將過程拍低，並傳給她看，令Jinny大為感動。

inny表示：「嗰晚完騷之後，開咗手機嚟睇，見到老公傳咗呢條片俾我，嗰一刻我覺得好對唔住我個囡，即刻好想快啲返屋企陪佢，因為阿囡係咁觸摸個電視話要摸手手，而我又好似拒絕咗佢，所以我要趕返去摸番佢手手。」（會否女兒將來加入娛樂圈？）Jinny直言不會：「因為覺得娛樂比較複雜，唔係一個正常社交圈子，加上自己體會過嗰種壓力，最好唔好入娛樂圈，因為我覺得佢會有更好嘅將來。」