不介意因「反修例」收入減　陳展鵬指搵錢其次：我都係香港一份子

陳展鵬今天（20日）孖老婆單文柔出席髮廊開張活動，展鵬笑言自己對髮型從來沒有要求：「我不嬲都係交畀髮型師處理，但男仔當然要容易處理。我係啲洗完頭唔鍾意吹頭嘅人。」

提到展鵬在昨天（19日）晚上播出無綫（TVB）台慶錄播騷《珍惜香港 發放娛樂 TVB 52 年》裏面指自己希望港人快樂，他接受《香港01》訪問時候說：「我哋本身真係想Live Show，但大家時間夾唔到，同埋明白而家時勢就不如用一個簡單啲儀式。唔好只係講TVB，我哋做娛樂圈都要秉承帶畀觀眾開心、快樂！」

社會動盪亦令經濟方面受影響，問藝人是否同樣搵少了錢？展鵬說：「確實有影響，但自己都係香港一份子，我哋都係做嘢啫，今日場地唔得咪揀過第二日。我諗唔好成日係錢方面睇，我諗首先好多人會要開心，健康同舒適環境。就算搵幾多錢冇健康都冇用，要平衡。」