湯怡與洪卓立分手一周年　忽然做媽媽公開4個月大肚相？

湯怡和洪卓立去年11月宣布分手，結束11年情，各自感情生活成迷。湯怡昨晚（1號）在IG竟然貼上「大肚相」，目測有4個月咁大，仲留言話：「好多人大肚都會影寫真，我都唔例外」，究竟邊個係經手人？

相中的湯怡身穿黑衫黑褲，掀起上衣露出腹部，十足十平時準媽媽影嗰種大肚相，孕味好濃，爭啲想留言恭喜佢，點知原來唔係真有咗BB，只係吃得太多所致。湯怡說：「呢個肚係九月底喺巴黎時裝週養大嘅，短短幾日食到四個月咁大。」湯怡仲話之前喺香港試嘅衫，去到巴黎連拉鏈都拉唔埋，睇嚟真係食得好開心。

湯怡平時做開運動又瘦到營養不良咁，今次搞到個肚咁大，真係要好好減返個肚腩仔喇！作為女明星，掀起個肚皮扮大肚婆，貼上自己的醜態真係好貼地好有Guts，獲得粉絲大讚「So brave！」