【開心速遞】下年開始播足7日　許家傑：社會氣氛緊張有使命感

TVB最高收視的處境喜劇《愛回家之開心速遞》今天（23日）一眾演員扮鬼扮馬出席「萬聖節哈佬喂」活動，現場除了有Cosplay打扮，演員們更互相幫大家化萬聖節妝。

原來這個活動更有重頭環節宣布，就是由明年一月四日開始，星期一至日，每天晚上8時也會播出《愛回家之開心速遞》。演員們一早便得知這個消息，等了今天終於公布大家相當興奮，除了眾演員演出機會多了，更多是開心能夠和觀眾見面見足7天。

《香港01》記者就此向監製林建祥查詢，一星期播足七日會否有一定的隱憂存在，他回應道：「咁開廠期一定長咗、多咗，演員都會開密D；因為平時開五日廠，依家變咗開七日，外景亦都多咗，其他嘢就好視乎廠景嘅運作，先至互相配合。」

而在劇中飾演金成安的周嘉洛亦說：「我個人覺得榮幸，因為我印象中除咗《真情》之外，好似冇其他處境喜劇係一星期播七集，所以我覺得入到《開心速遞》係好幸運嘅事，增加咗出鏡嘅時間，每晚亦都可以同觀眾見面，自己好開心。」至於會否因此減少拍攝其他劇集或接其他工作的機會，周嘉洛就表示不會有太大影響：「因為本身我都係拍處境喜劇為主，好少會接到其他角色。」同時他亦為編劇感到擔心：「一星期七集佢哋要諗多兩集劇情，休息時間少咗、辛苦咗，但佢哋一直都咁Fit，冇問題嘅！」

另外在劇中飾演龍家大小姐龍力蓮的林淑敏（Mandy）亦回覆道：「好開心一至七都可以見到觀眾，因為之前網上見到有網友話可以做埋星期六同日就好，今次許願成功。」雖然演員工作量增加，但其實最忙碌的未必是演員，因為《愛回家之開心速遞》故事線多元，所以大小姐認為最辛苦一定是幕後工作人員：「反而我覺得係最辛苦編劇、幕後、導演同監製。因為監製得佢一個人，依家一星期要諗7集，真係工作量大。」

飾演宋瑞輝（送水輝）的許家傑則表示收到消息時感到又驚又喜，喜在曝光率增加，同時他亦擔心：「其實而家都係一路拍一路出，製作時間大概提早四至六星期，時間都係啱啱好；但演員還好嘅，但幕後工作量就好大，監製要一個人把關都好辛苦。」除此之外，許家傑又認為拍攝處境喜劇有一個使命感：「而家社會氣氛緊張，都希望每日有30分鐘畀觀眾放鬆下。」