傳黃浩然離巢無綫轉投古天樂旗下　一年拍足5部劇冇獎攞勁灰心

無綫近年鬧小生荒，令到非親生仔嘅黃浩然高峰時期一年拍足五套，最終捱出怪病來，患上罕見的「貝塞特氏症」，停工養病期間損失百萬。之不過，辛苦喺無綫唔一定有回報，有傳44歲嘅黃浩然一直為自己「冇獎」而耿耿於懷，加上因受黃心穎「安心偷食」影響，《法證先鋒IV》需要補拍，令病癒後刻意減嘅黃浩然甚為不滿，考慮離巢，並轉投古天樂旗下公司，再戰電影圈。

如果屬實的話，黃浩然有份主演嘅《多功能老婆》將會係佢離巢前最後一套作品。《香港01》就離巢一事曾向黃浩然了解，但暫時未有回覆。