13歲李嫣潮人打扮花費兩萬　怕被指炫富P走品牌標誌？

王菲13歲愛女李嫣入讀著名的瑞士貴族學校博所萊伊學院（Collège Alpin Beau Soleil），每年學費高達85萬港元。開學個多月嘅佢不時都會喺IG分享校園生活照。

日前李嫣喺IG上載與同學嘅合照，只見身穿衛衣牛仔褲嘅佢笑得十分燦爛，不過有網友嘅重點就落在佢嘅打扮之上，因為單係OFF-WHITE衛衣及手袋加埋已經要11600港元。至於對鞋，唔知點解李嫣特意P走logo，但都唔難認得出係Rhyton Gucci logo leather sneaker，官網標價為8100港元。作為星二代嚟講，李嫣全身打扮加埋都係兩萬多，都唔算過份，但似乎就唔太符合「李十萬」嘅稱號。