男友投資千萬開設健身中心　陳庭欣做代言人：TVB價可能有折頭

陳庭欣（Toby）今日（26/9）以代言人身分出席男友Benny（楊振源）有份投資的健身中心新店開幕活動，健身中心更設有全港首個「極地冷凍艙」，十分特別！Toby直言：「冷凍艙喺外國好多職業運動員都會用到，可能香港未咁了解，點解要負8度去做呢樣嘢，其實又唔係想像中咁辛苦，因為唔可以逗留太耐，最多兩分半鐘就要出嚟，主要係舒緩做完運動後嘅痛症。」

（問到幫男友做代言是否冇酬金？）Toby笑言：「梗係有，係TVB價，幾多錢我就唔知，可能會有折頭掛，我真係唔知，都喺由TVB去傾，不過我就覺得始終做嘢還做嘢，就算呢個係我識嘅人，又或者唔識嘅人，要我做代言人，我都會做好佢。」提到香港經濟前景不明朗，Toby坦言無得驚：「其實呢個計劃早在一年前開始，所以都預計唔到，無論社會及經濟上嘅變化係點，相信大家都必須會投資喺自己健康之上，一定會做運動。」