《牡丹亭驚夢》首場公演　白雪仙捧愛徒寶珠嗲姐場

粵劇名伶陳寶珠及梅雪詩（嗲姐）主演的粵劇《牡丹亭驚夢》，昨晚在尖沙咀文化中心再度公演，將一連演出六場，而二人的師父白雪仙亦有捧場，睇足全場支持兩位愛徒。寶珠姐及嗲姐粉墨登場，當然有大批粉絲到場支持偶像，散場後，一班粉絲仍舊依依不捨，在劇院外守候，並高呼偶像名字，氣氛熱烈。

寶珠姐及嗲姐全神貫注演出，獲得劇迷一致好評，但二人對自己要求甚高，寶珠姐更說「永遠唔會滿意」，而嗲姐亦說「希望聽日(今晚)仲會好啲」。問到師父仙姐對二人的評語，嗲姐笑說：「佢今晚走咗，冇出到聲，佢今日唔開心嘅，我哋梗係做得好曳。」在場記者提醒嗲姐她師父仙姐有笑，嗲姐才鬆一口氣，放下心頭大石。

二人再被問到是否會致電仙姐，聽取師父評語，寶珠姐說：「要親自上去架，平時都會俾啲紙仔我哋。」至於仙姐曾給二人甚麼意見？嗲姐表示：「一路都叫我哋加倍努力，我做極都唔到師父要求，只有盡力再努力。」

提到寶珠姐囝囝楊天經前來捧場，寶珠姐即時笑容滿臉，說天經帶給她正能量，而天經的舞台劇會緊接《牡丹亭驚夢》在同一劇院上演，寶珠姐即笑說：「我場場都會睇，我要做星媽。(會否俾意見囝囝？)冇呀，佢演出經驗豐富過我啦。」在訪問後，天經向寶珠姐送上愛心熱水，並代古天樂送上多張《使徒行者》戲票。