陳靜成功減走7.5公斤　嫌自己未夠瘦：想減到49公斤

陳靜（Dada）今日（10/9）以一身白色露肩晚裝出席化妝品牌慈善活動，見Dada比之前纖瘦不少，原來最近她為了投入賀歲片拍攝，特意從58.5公斤減至51公斤。Dada接受《香港01》訪問時，透露自己瘦身大法：「開工嘅時候人哋食宵夜，我就自己帶個柑去食，我仲有個方法就係飲檸檬水，一起身就飲兩杯檸檬水，當然唔會加糖啦，呢個係排毒嘅好方法，可以推介俾大家。」

Dada又認為減肥過後，無論精神還是健康狀態都比之前好，不過Dada尚未滿足現狀，她仍希望可以繼續瘦下去，目標是成功減至49公斤。

另外，彭浩翔近日因「護旗手」論，被不少網民強烈批評，Dada坦言近日忙於工作，加上雙方都是成年人，目前敏感時期，Dada認為不應騷擾對方，給予對方空間，所以未有和彭浩翔聯絡。Dada又補充：「上年拍賀歲片（《恭喜八婆》），同佢相處落，我覺得佢係喺工作方面好出色嘅人。」