【長命不老】戴祖儀身體年齡高達45歲：以前我一星期打三次邊爐！

戴祖儀（Joey）今天以女僕裝出席TVB綜藝節目《長命不老》的記者會，節目中Joey與黃庭鋒遠赴台灣尋找養生秘訣。Joey指今次拍攝節目嘗試了很多的人生第一次，她說：「我同庭鋒試咗好多療法，有刀療、電鑽療、電療等，之後又去做穴位按摩，好多嘢都好痛，為咗呢個節目我哋真係豁出去。」

Joey與庭鋒到台灣有去溫泉浸浴，庭鋒更大騷腹肌，但相反，Joey的長袖泳衣卻相當密實，她解釋謂：「我諗住浸溫泉係要焗汗，焗汗要著長袖好啲。但係唔緊要，我哋仲有身材好好嘅鄧佩儀，佢好強嘅事業心，大家一家要留意。我就唔係show事業心，但我都有事業腳畀大家睇下。」

節目中其中有一個部份是測試身體年齡與真實年齡是否一樣，年齡只有24歲的Joey測試後身體的年齡竟然是45歲，令她相當驚訝，「我成日都飲飲食食，呢方面真係要戒，最近我都戒緊。以前嘅我係一星期打三次邊爐，最近兩星期一次邊爐都冇打。」