送囝囝返校爆喊 街坊質問阿Bob：係咪打個囝嚟！
撰文：吳子生
出版：更新：
林盛斌（Bob)今日（4/9）出席在灣仔香港會議展覽中心舉行的香港陀飛輪著名品牌萬希泉新腕錶發佈會，並站台擔任司儀，阿Bob笑言：「冇收酬勞呀！老闆送對錶畀我咪得囉，其實我同William（萬希泉創辦人沈慧林）葉念琛都係好朋友，今次佢哋聯成設計出「準時愛」情侶腕錶，簡直驚世。」
近日阿Bob湊住2歲囝囝林道申（Jaye)返學前班時，Jaye忽然爆喊求饒，搞到阿Bob心痛死：「其實囝囝都係返兩個鐘時間，畀佢適應下返學嘅環境，到我接佢放學嘅時候，佢個樣好似畀人虐待完咁，因為佢個樣仲係喊梗，佢把聲又沙晒，其實最搞笑係返學途中，啲街坊見到囝囝喊嘅時候，話我係咪打個囝嚟呀，仲叫我唔好打囝，真係畀佢啲激死，其實啲街坊都好關心我個囝囝嘅。」