陳凱琳每月為兒子搞生日Party　被老公鄭嘉穎投訴：佢話夠喇！

陳凱琳（Grace）今日（30/8）在尖沙咀出席品牌活動。提到剛剛過去的8月12日是她與老公鄭嘉穎結婚一周年紀念，她即冧滋滋稱收到黃玫瑰作禮物：「佢求婚都係送黃色玫瑰花，估唔到佢會準備驚喜，眨下眼就一年，嗰日我哋都係湊下仔、食下飯，簡單咁過。」問她有否準備禮物，她即笑說：「餐飯我請嘅，哈哈！」

Grace講完老公後便講湊仔，暫時做全職媽媽的她指兒子半歲後開始食固體食物，自己則透過下廚獲得滿足：「咗好多唔同嘅食物，囝囝本身唔係好食，依家都肯食。」問有否為兒仔搞半歲生日會，她即笑說：「老公開始投訴，BB每個月都搞生日Party，佢話『夠啦，等BB真係1歲先慶祝』。因為我鍾意整蛋糕，但係BB又唔食得，得我哋兩公婆食，佢話唔知我整嚟做乜。」非常搞笑。