袁嘉敏貼性感相招男友　連相睇公司都問過：要成7萬蚊我驚俾人呃

對不少女生來說，人生最大的幸福是有一個愛惜自己的另一半，擁有一個美滿的家庭，而首要條件當然是要有男朋友。袁嘉敏（Candy）已有一段日子沒有拖拍，原來她亦心急希望可以快些找個男朋友。她這兩日就先後在IG出Post講到明自己想拍拖，還叫大家介紹她認識新朋友的方法。

Candy昨日（17/8）出Post並以中英文留言表示：「長年單身，已近兩年沒有一個約會。我想是時候用dating apps認識新朋友了，大家會推薦那一個app?  我沒有試過呢。Been single for a long time, haven't been on a date for around 2 years now. Maybe it's  time to try using dating apps to meet new friends. Which app would you recommend? I never tried before.」

今日Candy又再出post表示：「還是我搬去另一個城市住會比較容易找到人約出街認識下，過往這十年在香港有九年都單身，每次我提起時別人的反應都是『我不信』就結束了，我主動約又一般都不肯出來。或者去外地碰碰會容易找到人肯跟我逛街聊天拍拖吧。Perhaps I relocate to another city for a while and try my luck there, in Hong Kong I was single 9 out of the past 10 years, usually when I mention that I don't have a boyfriend the reaction I receive is “I don't believe” and that's end of the story, I do ask men out but they don't really respond. Sometimes I wonder if I go to another city maybe people are more willing to go out with me, talk and get to know each other.」

《香港01》電話訪問了Candy，她表示其實自己年年都有在IG寫她想識男朋友，問到可會覺得是自己形象性感才難以認識男朋友，她說：「唔關性感事，我覺得係關我條命事，我讀書時都冇人追，對上一次拍拖已經係5年前朋友介紹嘅。我上年特登去醫院Check返自己個時辰八字問咗3個師傅，佢哋都話我要到2021年先會有姻緣。但係我唔想咩都唔做咁喺度等，我有問過相睇公司，要畀成7萬蚊，又驚係呃人嘅，所以先試下玩交友App，畀咗300蚊，點知又被Block。」

Candy坦言希望找個成熟的伴侶，即使對方離過婚也無所謂：「最緊要係尊重返我，明白我嘅工作，唔好取笑我成日要喺大陸做嘢，有好多人會覺得娛圈好複雜，所以對方要理解我，唔好對我有偏見，我想搵個精神上支持我嘅伴侶，我好想有自己嘅家庭，不過年紀大過我嘅男士好多都已經結咗婚。（介唔介意對方窮？月入萬幾蚊得唔得？）其實我先係被人嫌棄嗰個嚟，試過識男仔係話自己住公屋，之後就唔再同我講嘢，係佢落咗閘先。我由今年1月1日開始不停問朋友有冇男仔介紹，個個都話冇，有啲直情同我講話好大壓力，又有人會話『點襯得起你』就唔再理我。」她謂可能出外去個旅行或有機會可以識到男朋友。

點擊下圖逐格睇Candy嘅索爆性感靚相：