【逃犯條例】楊埕斥示威者機場阻旅客　發文質疑：破壞自己地方？

香港特區政府月前擬修訂逃犯條例而惹起大批市民的不滿，引發了連串的反修例行動，包括大型的遊行、示威和抗議等，並向政府提出了五大訴求，警方與示威者更已多次爆發了流血衝突。然而特首林鄭月娥至今仍未有任何實際回應，示威者的抗爭依然繼續。很多藝人在這段敏感時期都未有發聲表達，但亦有不少藝人於社交網上公開表態講明立場，楊埕就是其中之一。有翻版張栢芝之稱的楊埕 (Sabrina) 呢日就於她的ig story疑似鬧爆示威者。

Sabrina於她的ig story post了一張示威者日前在香港國際機場客運大樓阻擋旅客的圖片，圖中有字句寫住：「旅客苦心：擋旅客無助運動，豈不是他們利用了你們的活動；青年無奈：我們已沒未來」Sabrina則於該圖上寫了四個大字：「離晒大譜」來斥責示威者阻礙旅客的行為。而另一輯圖就是她引用了倪匡著作的政治預言，並加上她自己的睇法，寫住：「做人麻煩聰明一點，破壞自己地方是什麼一回事？現在面臨金融風暴，對得起父母兒女嗎？政見不是問題，而不是破壞害人。」

Sabrina接受《香港01》訪問時表示自己絕非批評倪匡，她說：「我係撐倪匡㗎，我睇咗佢呢幾段說話，覺得佢講得好有道理，所以我先至post出嚟。我係覺得佢呢幾句講得無錯，但係我無睇過佢其他言論嘅。」她又坦言：「我只不過係覺得示威者喺機場嘅影響真係好大，唔係幾好啫。」對於是否指責示威者破壞香港，她說：「我真係出於善意嘅，覺得你無論點樣都好，都唔應該破壞同影響到自己嘅地方。之前其實幾和平嘅，係之後唔知點解會變成咁樣。我覺得不論邊邊對與錯都好啦，係無嘅，事實上大家各有睇法，不如做好自己啦。」她又舉例說：「明明大家街坊嚟，依家就變到好似仇人咁，希望大家可以和平共處。」

Sabrina曾參選2014年度香港小姐，期間因前公司合約問題退選。翌年她代表香港到日本東京參選2015年國際小姐。她於2016年入讀中央戲劇學院，並於2017年簽約為無綫電視基本藝人合約藝員。今年就投資了六位數字開設個人公關製作公司，有傳她背後有黃百鳴撐腰，曾與黃百鳴同車上廣州，她今年舉行26歲生日會時，黃百鳴亦有到賀。

點擊下圖逐格睇Sabrina嘅靚相：