鼎爺仔李泳漢斥「暴徒仲恐佈」：始作俑者始係呢班黑衣人

近日香港因為「反修例」風波鬧得全城熱哄，各方對事件的資訊和意見充斥各大媒體和社交網站。今日（12/8）就傳有網民發現鼎爺李家鼎的兒子李泳漢在另一位對昨晚（11/8）於尖沙咀有少女被爆眼球事件發表意見的網民Facebook帖上留言，並怒斥「暴徒」的行為恐怖。《香港01》記者曾致電李泳漢，對方暫時未有回覆。

李泳漢留言全文如下：

「我覺得班暴徒仲恐怖呀，連續咁多日去堵路攻打警署燒街仲有做炸彈，仲要圍毆一些意見不同嘅人士，呢啲你哋又唔會講㗎喎下，呢啲你唔覺得有問題喎，警察除暴安良就有問題呀，睇下如果冇咗佢哋呀，而家香港嗰邊無政府狀態啦，做人呢要識分黑白，始作俑者始終都係呢班黑衣暴徒，你又唔見差佬打我肥（啡）我催淚彈，是非不分重（仲）要咁惡毒嘅心腸去咀（詛）咒人哋一家人，你都唔係好人。」