崔浩然喜歡「劍擊花美男」稱號　想向KOL方面發展

GOT7成員王嘉爾（Jackson）的好朋友崔浩然（Nicholas）周五（9日）出席運動品牌活動，曾是港隊擊劍運動員的他在今年4月正式退役，談起近況他說：「而家返緊一份Summer Internship，希望嘗試一啲以前做運動員冇機會試到嘅工作環境。」問到以後希望向哪一個範疇發展，Nicholas說：「而家咩方面嘅嘢都會想試下做，唔會話規範咗自己。」

Nicholas在當運動員的時候就一直有「劍擊花美男」的稱號，他並不抗拒這個名銜：「我都幾鍾意，一個運動員有個咁嘅稱號其實係一件幾好嘅事，當時作為一個運動員係希望多啲人認識劍擊呢項運動，可以引人注目其實都係一件好事。」香港隊運動員的身份加上俊朗的外表吸引了不少粉絲，Nicholas的個人Instagram帳戶有二萬八千多名粉絲追蹤，有一定的粉絲基礎，他又坦言想向KOL方面發展。