【港姐2019】178cm楊詠彤自爆戀愛史 前男友們高人一等！
撰文：吳子生
出版：更新：
全城矚目選美盛事《2019香港小姐競選》，今日（8/8）在澳門舉行記者會，一眾入圍候選佳麗穿上性感比堅尼泳裝亮相會晤傳媒。13號佳麗楊詠彤（Katy)不單止樣子甜美，再加上擁有身高178cm高挑完美身形，頓時成為全場焦點。
Katy笑指高度有時候都是一個障礙：「因為每次買褲嘅時候，長度都會唔啱身，揀男友仲更加難，咁所以宜家都仲係單身，過往男朋友都有180cm以上，三次戀愛中，都未試過同矮過自己嘅男仔拍過拖，但如果男方矮過自己，好似王祖籃咁有才華，我諗我都會考慮同佢發展，不過有時候，咁高都會有佢嘅優勢，好處就係搭地鐵時，在人多擠迫嘅時候，可以呼吸新鮮空氣。」