謝安琪睽違3年再開演唱會多得麥浚龍 ：佢加快我復出步伐

謝安琪（Kay）相隔3年後再開演唱會，她日前作客TVB娛樂新聞台節目《StarTalk》，接受主播許文軒(Edmond)專訪，大談將舉行個唱感受，Kay說她以前個人比較急，想好多計劃，但現在的自己會放輕鬆，享受眼前的工作，會有更多空間做好眼前的事。

Kay被問到有否期待與古天樂同台時，她說不止自己期待，歌迷也很期待，她說：「我身邊啲朋友好得意，買飛話要買古仔嗰埸，但明明呢個係我演唱會，我明白觀眾對古仔嘅渴求一定有。」她又說：「有好多樂迷要求我同Juno、古仔嘅故事拍成電影，而且一路有人邀請我哋拍電影，但我哋呢個故事嘅音樂部份都未完成，所以暫時未邁向電影住，我亦唔排除有呢個嘅可能性，但交畀Juno決定。」

Kay表示Juno對自己影響很深，令她的復出步伐加快，她指三年前個唱後，本身沒有打算再工作，亦不知會休息到幾時，但Juno為她的演藝生涯發掘更多可能性，「佢有好多睇法，當時連我自己都未有睇法，佢俾到方向同信心我。」