楊思琦特意為囡囡練習廚藝：我想佢生多啲肉
撰文：葉詩
出版：更新：
楊思琦周三（31日）出席香港開電視2019下半年節目巡禮，她將在煮食節目《30分鐘大放餸》中擔任星級嘉賓：「我覺得好好玩，平時比較忙就少啲機會煮，未有小朋友之前就更加唔識，而家廚藝可以話進步咗。」身為媽媽的思琦更特意為囡囡練習廚藝：「因為囡囡唔太鍾意食嘢，我又想佢生多啲肉，所以要諗啲菜式佢會鍾意嘅，做媽媽就要為仔女著想。」
楊思琦又希望可以多些拍電視劇：「我自己都好有戲癮、好鍾意演唔同角色。（最想演的角色？）搞笑啲、輕鬆啲，最緊要大家睇得開心，想試下拍輕喜劇。」工作忙碌，就少了時間陪女兒，暑假本來想陪女兒去旅行也未能兌現諾言：「囡囡開頭都有少少唔開心，但小朋友有得玩就好快唔記得，反而係媽媽會好掛住佢。」