林芊妤Coffee產後極速瘦身靠三大絕招：餵人奶消耗好多卡路里

林芊妤（Coffee）去年誕下兒子後，就極速減磅瘦身。她說，就連身邊朋友也表示佩服，甚至也有人讚她產前的她身材更有曲線。

適量運動、餵人奶　幫助產後瘦身
日前（20/7）她出席Satami運動內衣活動，接受《香港01》訪問時就分享了一些產後瘦身的心得。「運動好緊要，但係最主要係我餵人奶，因為餵人奶消耗個卡路里好多，所以瘦得好快。」要額外進食補充嗎？「我係一日三餐，再加甜品，跟住再加小食。其實我一日食好多嘢，但係本身肌肉量好夠，先可以消耗晒。啲人話我身材好過以前，冇以前咁肌肉型，咁鋼條。」

最重要均衡飲食：食非加工食物
運動方面有需要注意的事嗎？她回答：「唔係話同自己或者人哋比賽，最緊要跟返自己節奏，其實一日有幾分鐘時間，都可以做運動，可以慢慢增加自己能力。」她又說，運動之餘亦需配合均衡飲食。「食啲非加工食物，菜吖肉吖。真正令你肥嘅，係Pizza、薯條薯片嗰啲。其實呢個唔使我講，只係大家做唔到。」