陳法拉首以人妻身份出活動　大談生B大計：怕十年後就生唔出

陳法拉今年5月與拍拖3年的法籍男友Emmanuel Straschnov，於法國巴黎舉行婚禮，兩人在雙方父母及一眾親友見證下，並正式成為夫妻。今日（5/7）是法拉婚後出席香港首個公開場合，她表示：「好開心可以同大家見面，剛完成婚禮個感覺好似如釋重負，亦好出乎意料之外，咁多親友咁遠嚟到祝賀我哋，我真係好感動。」

記者問兩人會否盡快造人，法拉即笑說：「咁又唔會，咁啱美劇又拍完，咁所以想同佢兩個人周圍去下旅行，享受一下二人世界先。（十年後先生B？）如果十年後就生唔出啦！哈哈！一切都順其自然啦，起碼今年自己有時間，可以去下遠啲嘅地方旅行。」

提到不少網民大讚法拉老公靚仔，應該去無綫（TVB）拍劇，法拉笑說：「哈哈，唔好畀佢聽到，佢會好開心㗎，佢本身唔識講廣東話，佢只係識講國語，佢都有外國人口音㗎，所以要訓練下先。」