羅仲謙楊怡兩個都恨生B ：下半年會努力啲
撰文：吳子生
出版：更新：
羅仲謙今日（2/7）現身薄扶林心光盲人學校出席電影《小Q》探訪活動，謙仔更即席載上眼罩與一眾有視障問題的學生，一起同枱食飯，親身體會做視障人士的感受：「其實當你睇唔到嘢嘅時候，一齊嘅感觀都變得非常之敏感，咁所以我哋如果要觸碰視障人士時，先要同佢哋講聲，如果突如其來嘅觸碰，佢哋會受驚嚇，其實視障人士好需要人幫。」
羅仲謙和太太楊怡結婚將近3年，兩人熱愛小朋友，但因謙仔經常往返內地拍劇，生B行動只有一拖再拖。謙仔笑言：「其實計劃咗好耐，但係冇實行，因為其實生小朋友真係要好刻意，例如時間上要配合啦，但如果個人唔喺香港嘅時候，一切都係空談，嚟近下半年我會主力留喺香港，咁所以今年會努力啲實行啦。」