【港男備戰】Flow「張家輝上身」　推車呔輕鬆搶鏡：唔係好重

14名香港先生快將到台灣進行地獄式訓練，今日就到中環某健身中心積極備戰。眾港男穿上緊身背心，第一次在傳媒面前「大show quali」，借玩健身器材展示強而有力的臂彎，似乎個個都「打得死人」！不過這個環節似乎益咗教開健身的梁裕恆（Flow）。

點解？皆因每個港男都是玩玩普通的健身器材，只是舉舉啞鈴、打打Boxing、揮動戰繩，唯獨阿Flow就效法張家輝，一人推郁大車胎，仲話「唔係好重啫！」那麼小兒科就成功搶盡其他港男的風頭，這一招勁！

一星期做足6日Gym

事後問到阿Flow今天是否佔盡優勢，他非常上進，就話：「我自己揀推車呔嘅，搵機會表現一下。」他透露在健身方面持之以恆，一星期操足6日，每次兩至四小時，果然非常有鬥心喎！Flow又透露參選港男後，出現明星效應，多了人想做他學生學健身，唯獨他沒有時間教，只收了兩三個學生。