樓南光新戲再演鹹濕老闆　重提娛圈鹹豬手事件：女主角喺呢組戲！

樓南光今日（18/6）現身黃竹坑為ViuTV新劇《Me Too》宣傳造勢。他在劇中飾演一名手多多大老闆，攞正牌任摸同劇女演員，可謂過足「手癮」：「啲人成日話我好正有女摸，邊到係呀，其實我嘅角色係反映咗辦公室入面啲老闆詐詐諦抽水借機摸手仔，然後想有進一步發展，其實係講現實世界個種情況，覺得好貼地。」

N年前娛樂圈驚現有男藝員借機向女星掃背摸股抽水事件，當年樓南光被誤會為該名鹹豬手男藝人，事後查出原來另有其人，還他一個清白：「如果劇組傳出有鹹豬手，通常大家都會第一個諗我，因為我個樣似又同過葉子媚合作過。喺好耐以前嘅戲都係演呢啲角色，但如果當時要我同吳君如拍嘅話，如果佢肯，我都梗係唔制啦，哈哈！不過演得多個呢啲角色，變咗好多人都誤會係我囉，不過後尾查出唔係我，原來另有其人，話一個道貌岸然嘅先生，原來係呢個人鹹豬手某個女星，其實當年個位男主角我知邊個，佢仲係呢個圈，而女主角我都知邊個，呢位女主角仲要係喺呢組戲添。」

《香港01》記者翻查資料，90年代的媒體報道，曾有一宗頗為轟動的「鹹豬手」新聞，指無綫劇集拍攝時有一位男藝人遭投訴，涉嫌非禮同劇女演員，其後該男藝人雖淡出電視圈，但仍有拍戲。而樓南光口中提到的事件女主角今次就一起合作ViuTV新戲。