森美教收服比卡超　網民：用來攻擊番佢

森美在7月16日上載與「人氣王」比卡超合照，並在《早霸王》分享Pokemon Go中，如何捕獲第一隻比卡超，原來由一位小朋友幫他捕獲第一隻比卡超。當時在香港仍然未正式推出。網友紛紛留言問捕獲的地點，網民指森美當時疑似身在九龍城。

不過有網民就話究竟大家想收服「比卡超」，還是想用精靈球擲向森美，將他變成自己收藏的小精靈呢？而網民就留言話「收服比卡超，再用來攻擊森美」、亦有網民話「收服森美唔係用精靈球，係用磚頭」，森美跟比卡超比較，受歡迎程度高下立見喎。

雖然網民話鍾意比卡超多過森美，但森美仍然繼續有玩Pokemon Go，今朝在《早霸王》節目內，就教大家捕捉比卡超的方法，他向聽眾教路，「其實首次開通戶口進入遊戲後，無視首3隻碰上的小精靈，再走多一會兒，又會再見到那3隻小精靈，繼續無視，直至出現比卡超的踨影。」其實森美講的都是新手入門，下次不如改為教大家如何極速「升呢」，去到道場不用被秒殺仲好啦。