【法證先鋒IV】無綫決定重拍　陳煒：未知邊個代替黃心穎

電影《婚姻的童話》今日（3/5）於沙田石門舉行開鏡拜神儀式，出席演員包括有陳煒、關禮傑、王賢誌、文凱玲、陳嘉桓等人，祈求拍攝順。在戲中煒哥（陳煒）與關禮傑是結婚多年的恩愛夫妻，因關禮傑「出軌」導致婚姻出現危機。煒哥直言：「呢套電影正正反映現實生活婚姻所遇到嘅事，係一個好寫實嘅電影，係一個好好嘅題材。」

因「安心」事件，無綫劇集《法證先鋒IV》決定重拍。煒哥直言：「我哋已經收到指令，嚟近5至6月將要重拍，而自己本身牽涉同黃心穎戲份唔多，因為同佢嘅線分得好開，咁所以影響我唔會太大，都係幾場戲啫，但知道會有啲場景係會修改過，但故事結構有冇變就唔知，都未知邊個代替心穎個角色。」（補拍有冇薪酬？）煒哥表示：「我哋冇諗過呢個問題，反而覺得主要係我哋嘅心血可以出到街，因為宜家大家都每晚追梗重播《法證》劇集，咁所以好期待《法證IV》嘅出現，希望年底可以同大家見面。」