崔碧珈歐洲返港即病倒 曬床照呻生眼瘡被逼停工休息
撰文：洪曉璇
出版：更新：
作為打工仔，有時唔舒服病咗可以請假睇醫生休息，但藝人停工會影響台前幕後好多人，如果唔係捱唔住通常都要頂硬上。崔碧珈（Anita）近兩年到歐洲發展，最近終於有時間返香港工作，呢日一早曬出床照，身材養眼但睇真啲居然走曬樣，到底發生咩事？
Anita於IG上載一張身穿白色吊帶背心瞓喺床上嘅照片，但一啲都唔寫意，因為左眼相當紅腫，佢留言話：「外景拍攝完第二日起身，兩隻眼都又紅又痛又腫起眼瘡，平時有500度近視既我，塗埋眼藥膏之後，接近咩都睇吾到……用僅餘既氣力打埋呢個post。呢幾日要暫停工作在家休養。」好在佢人在香港，唔知緋聞男友吳浩康會唔會幫忙買三餐上門照顧Anita呢？
+8
+8