惠英紅因《鐵探》角色太乞人憎俾人當街鬧　嚇到立即閃人

惠英紅（紅姐）今天（29日）自己掏錢請一眾傳媒及好友食飯，原因是早前在《金像獎》中奪下「最佳女配角」，紅姐感謝身邊朋友及傳媒一路以來幫忙，所以舉辦了這個慶功宴。紅姐感恩自己是幸運的人：「咁多識咁耐嘅朋友一齊食飯真係好開心，今晚約呢個飯局大家都一呼百應，所以都只係用咗2日嚟約大家。」

接下來紅姐也忙著要兩岸三地飛來飛去，工作也停不下來，紅姐透露有兩部劇集一部電影等著她，不過在完成接下來的工作後紅姐表示會放一個假期休息：「如果將自己整到好殘往後開工都好難，倒不如放下假休息充下電再返嚟，已經計劃去荷蘭搵老友，加上我鍾意落雪。」

而近日發生了一件事在紅姐身上，更令到她嚇了一跳，「我前晚好驚，突然間有人好惡好惡大叫萬晞華，嘩，夜晚俾人大叫仲要喺海邊，加上得我兩姐妹同隻狗，我以為佢憎我憎到死，但佢之後同我講我做得好同撐我，我講完多謝即刻走，嚇親嘛。」不過對於這些另類支持紅姐很感謝他們的心意，提到下個目標是否視后，紅姐笑言盡力演了但有信心。