【廉政行動2019】霸氣令陳家樂感壓力 鄭則仕：當紅小生點會怕我
撰文：吳子生
出版：更新：
鄭則仕（Kent哥）今日（25/4）出席在尖沙咀舉行的《廉政行動2019》劇集造勢活動。Kent哥在劇中飾演一名香港前貪官，早前陳家樂表示Kent哥造型氣勢迫人，同場演戲甚有壓力。Kent哥笑言：「可能我哋首次合作，呢場戲係一場硬戲，可能形成緊張氣氛，咁所以大家都好似好緊張咁去演呢場戲，其實佢係當紅小生，又點會怕我呢，我已經係老人家冇乜威力，哈哈。」
早前有指Kent哥日漸消瘦變得蒼老，疾病纏身健康出現問題。Kent哥澄清表示：「因為之前拍攝電影飾演一名老人家，為咗呢個造型特別將頭髮漂染，因為漂染得多啲頭髮斷咗好多，嗰日我同老婆去街市買完嘢就被記者影到，就話我憔悴患病，之後啲朋友見到報導即刻問我有冇事，嗰個只不過係一個造型，宜家見我都冇嘢呀。」
【廉政行動2019】陳家樂前女友勁有人妻味 伍樂怡：第一次有對白【廉政行動2019】陳瀅陳家樂夠搶眼 究竟ICAC點先可以「陀槍」？【廉政行動2019】點名讚陳家樂陳瀅 監製林超賢：睇完片放心晒【廉政行動2019】鄭則士演貪官氣勢壓場 陳家樂：真係畀佢嚇親