【黃心穎許志安】神秘錄音爆心穎秘聞 拍《東坡家事》拖王浩信？
撰文：趙允琳
出版：更新：
黃心穎今日（16日）被爆搭上人夫許志安並在的士激咀15分鐘成為全日焦點，事件主角許志安於晚上急急腳開記者會交代事件，而網上亦流傳一段疑似曾與黃心穎工作的女性工作人員錄音，指她同人夫過從甚密！
該工作人員指出，親眼見到黃心穎於2015年在內地拍TVB劇集《東坡家事》時，與同劇的王浩信關係不淺：「佢（黃心穎）呀同王浩信拖手啦，成日痴埋佢度啦，肯定有景轟！」雖然當時黃心穎的確是單身，但與她拖手的王浩信在2015年早已成人夫，並與陳自瑤結婚4年，所以黃心穎沒可能不知道對方已有老婆和女兒。
她亦在錄音中表示黃心穎非常爛玩：「有次去宣傳佢同萬綺雯講話啱啱先去完蘭桂芳飲完酒嚟，真係嗰時我就知佢肯定係啲wet妹玩玩下！」這個女工作人員亦直言見到馬國明與黃心穎拍拖感到相當可惜：「佢同馬明我都覺得肯定唔慌耐，肯定係貪馬明傻下傻下啦！」
+3