【鐵探】方紹聰「發瘟」享受揸貨車：用粗口同客接觸對做戲有幫助

《鐵探》中除了一眾主角惠英紅、姜皓文、袁偉豪、蔡思貝等受注目外，也有不少配角有突出表現，其中飾演「山狗」的手下「發瘟」的方紹聰更憑著戲中誇張的造型，成功引起一眾網民留意。今日（4月15日）他出席劇集宣傳活動，接受《香港01》訪問。他提到，自己入行9年來，直至最近才開始由「跑龍套」角色變成有對白的角色：「以前唔明白，會覺得好辛苦，而家大個咗會明白，如果冇嗰個時刻，唔會造就到而家嘅我。就算以前畀咁重戲嘅角色，我都未必做到。」

訪問中，他也對監製表示感謝：「雖然未必係30集都有我，但係都會係有戲做，好突出嘅角色。」被問及現時是否還有兼職貨車司機，還表示非常享受。他說：「有陣我哋成日喺廠拍戲。如果你唔去同啲市民接觸，我自己都係市民，有時候送貨，同佢哋有最緊密接觸，粗口嘅接觸，我覺得（呢啲接觸）都對做戲有幫助。」