發哥排隊買飛睇《寒戰2》 女粉絲引金句：下半世淨係招呼你
撰文：戴嘉達
出版：更新：
周潤發日前因身處外地而未能出席《寒戰2》香港首映禮，昨日他就跟發嫂到鑽石山一間戲院，專誠排隊買票入場支持，要在戲院中欣賞這製作，一身招牌行山LOOK的發哥甫現身戲院，即獲現埸的市民認出，大叫：「發哥呀！」有市民更主動讓他先行購票，而素有「民間特首」之稱的發哥就婉拒了，並跟足規矩排隊。
買完飛，當然就要入戲院，但現場排起長人龍將其「重重包圍」，發哥亦有求必應，與市民自拍不停，拍到臨開場時，才步入戲院，又應承大家睇完一齊再影。期間有位熱情的女士引用《寒戰2》發哥的金句，「我下半世咩都唔做，剩係招呼你一個。」發哥聞言後也笑言：「吓？剩係招呼我！？」
完場後發哥即興地跟觀眾簡單分享，先謙虛地說郭富城及梁家輝也演得更好，再大賣關子表示：「應該有第三集，睇下家輝臨尾望住嗰仔嘅表情……」全場即時起哄說要看第三集，又一定要有發哥演出，更有人大叫「發哥好有型」，讚到發哥唔好意思咁話：「你地講埋咁多呢啲嘢，我怕今晚瞓唔着喎！」