湯洛雯在朋友群堪稱「已讀不回王」：好少睇訊息

黃翠如、湯洛雯今日（12/4）出席在銅鑼灣舉行的著名手機新店開幕儀式。智能手機在翠如心中也扮演一個非常重要角色：「我哋作為藝人，每日都要Update最新資訊上社交媒體，呢一樣嘢又係我哋工作嘅一部份，所以我哋都要Keep住影相，如果部電話本身影相靚呢，變相執相嘅時間又會用少咗，咁所以時間又會多返啲，揀選電話首選要影相靚。」

湯洛雯透露自己年紀大開始出現「老花」，睇嘢唔得清楚，手機螢幕大是必選：「我好驚，唔知係咪散光，有時睇手機唔係好清楚，所以我會著重手機銀幕要夠大，不過自己又唔係成日用手機，係影相先會用，睇訊息都好少去睇，咁所以我係朋友度出晒名『已讀不回皇』。」在旁翠如話：「我唔得㗎，如果我知佢睇咗唔覆，我會打畀佢。」