【墮落花】演溫碧霞年青版感壓力　陳穎欣：自己比較粗魯

港產電影《墮落花》一眾演員及台前幕後人員，今日（9/4）在葵涌片場舉行開鏡拜神儀式，祈求拍攝順利。香港女子組合Super Girls成員陳穎欣（Yanny)由歌手轉戰電影圈，今次是她參與第二部電影，在戲中飾演溫碧霞年青少女時代大肚版，對於Yanny來講都有一定壓力。

Yanny坦言：「因為溫碧霞姐姐係一個性感尤物樣又靚，反而自己係比較粗魯嘅人，但係我聽咗導演講咗劇本之後，原來姐姐嘅角色都好破格，有別於佢平時好靚好斯文個樣，所以自己都放心咗啲。」至於現實中有否想過自己會成為媽媽，Yanny笑言：「自己唔係太鍾意小朋友，比較鍾意小動物，不過聽人講女人年紀越大，身體荷爾蒙變化，會令人越想要小朋友，咁可能有一日我想要都唔定。」