【非分熟女】與蔡卓妍拍床戲太難投入 吳浩康：拍到四肢好攰！
撰文：趙允琳
出版：更新：
吳浩康（Deep）昨晚（1日）出席電影《非分熟女》首映禮 ，他在戲中飾演阿Sa蔡卓妍的前夫，但因行房不順利而令夫妻關係變差離婚收場。
阿Deep和阿Sa在戲中有場激烈的床上戲，他表示比想像中累很多：「冇諗過原來拍床戲係會好攰！四肢好攰呀要撐住個人吖嘛，又要就返機位，都真係唔係想像中咁簡單！」
雖然戲外與阿Sa老友鬼鬼，但他坦言未有覺得尷尬，只是覺得很難投入：「因為大家識咗好耐，但大家嘅關係，係從來都冇諗過呢樣嘢，我哋好似屋企人、似親戚，所以真係要啲時間去投入。」
阿Deep早前透露已入紙紅館，不過到現在還未收到消息：「我上個禮拜都返公司簽咗啲申請書，一路都申請到明年8月。但其實都未必要等到紅館先有下個show嘅，今年會唔會有個show喺其他場地發生，大家要密切留意啦。」