吳業坤紅館演唱會銷情理想　坦白認唔夠歌：「要每首歌唱足3次」

以偽毒聞名吳業坤（坤哥）突破紅磡體育館入紙難批重圍，於8月10日開首個大型處男show，今日舉行記招。坤哥演唱會門票今日正式公開發售，並已賣出98%，貼地氣的坤哥果然有市場。

不過發現坤哥演唱會內部訂購接近8成，唔知坤哥會唔會怕fans詐型？他就話：「有不少歌迷都已經優先訂購門票，而且有唔少朋友向我要求留飛，認為我可以幫到他們，我就要管埋票務個邊。」至於內部訂購與公開發售的比例，坤哥就話不太了解，皆因門票劃分並非由他決定。

對於坤哥目前只有7首歌，他就好坦白，話一定會唔夠歌，仲講笑要將每首歌唱足3次。當然係呃人啦，坤哥目前為演唱會，積極再灌錄多幾首歌，「而家每日都有歌錄緊，最重要反而是時間的分配，因為我一路拍劇，一路忙演唱會，在短時間搞好各樣事的確好需要時間。」

坤哥演唱會嘉賓目前宣布會有王祖藍與張智霖，咁偶像盧廣仲呢？坤哥就話之後會再聯絡，仲好貼指對方忙演唱會，要好好休息。