黃碧蓮為當演員定出時間表　留港追夢畀多3年時間自己

黃碧蓮（Linna）今日（22/3）出席在尖沙咀舉行的《港生活·港享受之遊艇主義》記者會。Linna表示自從做了時尚品味節目主持人之後，選擇男友時條件要求也提高：「我需要搵一個會照顧到我，見識廣博成熟穩重嘅男人，因為有時自己都唔識照顧自己，不過其實我都識照顧人嘅。」

Linna加入無綫後，主要工作都是以主持人身分亮相節目，對於Linna來說拍劇是遙不可及的事情：「其實我嚟香港發展最大心願係拍劇，可能有人覺得我講廣東話唔正，亦係我最大障礙，就因為咁可能少咗演出機會。不過我自己覺得講唔正，亦係我一個特點，雖然有啲稿我唔識睇，但都有拼音，所以都冇問題。我會再畀多三年時間自己有冇突破，睇吓再有冇機會拍劇，然後再決定發展路向。」