前花旦劉倬琦貼街招指控陳志雲以權謀私　何麗全：其實冇可能發生

何麗全今天（20日）出席ATV x HMVod的《完壁歸趙、經典重生》發佈會，發佈會中說到這次是購買當年賣出的經典劇集和綜藝節目版權回來再播出，何麗全這次的計劃指與蕭定一洽談了一段時間：「其實有啲版權係佢到，我哋大家互相傾過用一何合理價錢買返嚟。」

另一焦點是有雜誌報導前tvb花旦劉倬琦在街上貼街招，控訴陳志雲與何麗全為12年前一名自殺嘅TVB中層抱不平，指責二人忌才，聯手壓迫下屬、以權謀私，何麗全回應真的不知道發生什事情：「幾個月前有聯絡過佢，都可以問候下發生咩事，點解會有呢個誤會發生，要了解咗先得，公司有一個非常好嘅制度，其實冇可能發生，（有唔開心？）冇，因為有做過先會。」