【女子監獄】 向周潤發偷師演囚犯　吳千語：我哋好似男人咁粗魯

吳千語現身《東方影業週年晚宴》，她表示最近參演電影《女子監獄》拍攝工作：「香港好耐都未有純女仔嘅題材，仲要喺監獄入面，所以都好期待播出嘅時候反應，故事離不開暴力事件，我哋嗰班女仔粗魯好似男人咁呀，你諗到女人扯頭髮打交咩招式都有。」

拍攝打鬥戲時少不免會受傷，千語擔心表示：「我拍之前有睇過周潤發嘅《監獄風雲》學佢哋點樣做囚犯，而自己在戲中打人會比較多場口，有時要達到有真實嘅效果，都會真係落手去打，咁所以我都好驚會打親人，整傷對方，因為有時力度嘅嘢都會有失手嘅時候，始終怕人哋受傷多過怕自己整親。」