林海峰開騷金句撐本土：我哋身處一個唔正常嘅年代
DJ林海峰（Jan）昨晚於紅館舉行一連六場「林海峰是但噏廣東話」，獲財政司司長曾俊華、商業電台首席智囊陳志雲，商台前高層俞琤、Eric Kwok及太太葉佩雯、鄭欣宜、黃耀明、彭秀慧及JW王灝兒等棒場。
Talk Show開宗名義講廣東話，連舞台設計都充滿地道風味，有港味濃的茶餐廳，又有貼滿招租賣的吉舖，身為唱片騎師Jan甫開場就為廣東歌護航，更乘機大Sell自己新歌《廣東歌》，自爆有朋友爆粗力撐新歌聽到喊。
十年來開過六場騷，由伊館開到紅館的Jan亦絕非閒等之輩，Talk Show內容由廣東話、廣東歌、民間特首、遊行佔領，講到內地自由行隨地便溺、內地音樂節目的虛偽觀眾，在最本土的開騷殿堂紅館，發放最本土的金句。
金句節錄：
捍衛廣東話
「若果廣東話要消失嘅話，我就係第二個要消失嘅，呢件事係衝住我而來，我係最大嘅受害者呀！」
「我會成立一個廣東話苦主大聯盟，我做主席！」
「印尼、菲律賓依啲都講緊普通話，冇辦法架，普教中丫嘛，然後啲家長就帶頭消滅廣東話，仲有啲K-pop啊，我覺得廣東話就好似北極啲冰咁慢慢溶化。」
民間特首：
「黎明可以成為民間特首，係因為佢嘅4D演唱會取消咗，通常取消都俾人鬧到爆，但有咩藝人有咩表演係冇做嘅反應好過做？即係唔做好過做…但最重要係佢個演唱會取消之後，仲同大家講對唔住，再加多句我愛你。」
守護本土：
「因為我哋身處喺一個唔正常嘅年代，所以當有少少『正常』嘅嘢，我哋就會好感動。」
「香港人做足反應啦，行又行過出街，瞓又瞓過馬路喇，我哋嘅反應有冇存在意義？最緊要係咩？係有冇鏡頭take你，鏡頭take你反應先至有意思，亦即係話，有冇人睇你台戲。」
「當一個人話『呢度係邊度嚟㗎！』即係話，呢度已經唔係『邊度』...有人話，『呢個機場嚟㗎!』即係有人唔當佢係一個機場，當咗自己屋企，叫阿四幫你攞行李。」
身為兩女之父的Jan亦有關心子女的功課壓力問題，更抵死地二次創作《般若波羅蜜多心經》，諷刺家長的教育方式：「識即係識，唔識就係唔識，A即係B，B即係C，肥佬又唔會做乞兒嘅。」令觀眾拍爛手掌。
除了Jan即場演繹新歌《我頂》和《今天我》，好拍檔葛民輝更壓軸出場，兩人合體成「高山青龍」登場，齊齊唱出經過二次創作的《抗戰二十年》和《喜氣洋洋》，不過剛諷刺完K-pop的Jan又以韓國組合的衣著打扮現身，又獻唱BigBang 的經典作品，有點自打嘴巴的感覺。